Бүгін Қазақстан Республикасы Президенті Іс басқармасы аппаратының басшысы Алмас Исаков және Материалдық-техникалық қамтамасыз ету басқармасының басшысы Серік Бақтияр «Материалдық-техникалық қамтамасыз ету басқармасының Инженерлік орталығы» РМК ұжымына жана директорды Асылбек Бекмұратұлы Тұрғанбековті таныстырды.
Асылбек Бекмұратұлы – ақпараттық технологиялар және цифрландыру саласында 20 жылдан астам еңбек өтілі бар тәжірибелі басшы. 2004 жылы Алматы энергетика және байланыс институтын байланыс инженері мамандығы бойынша тәмамдаған.
Еңбек жолын «Қазақтелеком» АҚ-да бастап, кейін «KazTransCom» АҚ, «Digital TV» ЖШС, «Қазсатнет» АҚ және «Ұлттық ақпараттық технологиялар» АҚ ұйымдарында жауапты және басшылық қызметтер атқарған. Сонымен қатар «Республикалық электрондық денсаулық сақтау орталығы» ШЖҚ РМК-да департамент директоры болды.
2024 жылғы мамыр айынан 2026 жылғы маусымға дейін Қазақстан Республикасы Президенті Іс басқармасының «Инженерлік-техникалық орталығы» РМК директорының орынбасары қызметін атқарды.
Алмас Исаков пен Серік Бақтияр Асылбек Бекмұратұлын жаңа қызметімен құттықтап, жауапты қызметіне табыс, алға қойған міндеттерді нәтижелі жүзеге асыруына сәттілік тіледі, сондай-ақ, оның кәсіби тәжірибесі мен басшылық қабілеті Инженерлік орталықтың одан әрі дамуына оң серпін беретіне сенім білдірді.
