Басшылық туралы мәлімет

1985 жылы Оңтүстік Қазақстан облысы Сарыағаш ауданында туған.

2007 жылы ҚР ІІМ Қарағанды заң институтын «заңгер» мамандығы бойынша, 2010 жылы ҚР Президенті жанындағы Мемлекеттік басқару академиясының магистратурасын мемлекеттік және жергілікті басқару магистрі мамандығы бойынша тәмамдаған.

Еңбек жолын 2003 жылы Астана қаласының Ішкі істер органдарындағы қызметтен бастаған.

Әр жылдары Қарағанды облысы әкімінің аппаратында, Үкімет аппаратында, Қазақстан Республикасы Президенті Әкімшілігінде жұмыс істеді.

2022 жылдан бастап қызметке тағайындалғанға дейін Қазақстан Республикасы Парламентінің Мәжілісі Аппараты Басшысының орынбасары болып жұмыс істеді.

2024 жылғы 27 мамырдан бастап «Материалдық-техникалық қамтамасыз ету басқармасы» ММ басшысы болып тағайындалды.

«Ерен еңбегі үшін» медалімен (2020 ж.), «Қазақстан Республикасының Тәуелсіздігіне 30 жыл» (2021 ж.), ҚР Президенті Іс басқармасының 2025 жылғы 6 қарашадағы бұйрығымен «Қазақстан Республикасы Президентінің Іс басқармасына 30 жыл» мерейтойлық медальдарымен, «Құрмет» орденімен (2025 ж.), ҚР Президентінің 2026 жылғы 26 маусымдағы Жарлығымен «Қазақстан Республикасының Парламентіне 30 жыл» мерейтойлық медалімен марапатталған.

Еңбек жолын Дәурен Нұрланұлы Молдахметов телекоммуникациялар және ақпараттық қауіпсіздік саласында бастаған. Әр жылдары Қазақстан Республикасы Ұлттық қауіпсіздік комитетінің «Мемлекеттік техникалық қызмет» АҚ-да бас маман, сарапшы-талдаушы болып жұмыс істеді.

Ақпаратты қорғау және киберқауіпсіздік саласында айтарлықтай тәжірибесі бар.

«Қазақстан Республикасының Ұлттық Банкі» РММ Қауіпсіздік департаментінің киберқауіпсіздік және ақпараттық жүйелерді қорғау басқармасының бастығы, Қауіпсіздік департаменті директорының орынбасары қызметтерін атқарды.

Кейін еңбек қызметін Қазақстан Республикасы Президенті Іс басқармасында цифрландыру және жобалық басқару бөлімінің меңгерушісі лауазымында жалғастырды.

2026 жылғы 1 маусымнан бастап «Материалдық-техникалық қамтамасыз ету басқармасы» ММ басшысының орынбасары лауазымына тағайындалды.

1985 жылғы 16 тамызда Семей қаласында дүниеге келген.

2007 жылы Шәкәрім атындағы Семей мемлекеттік университетін «Есеп және аудит» мамандығы бойынша үздік бітірген. 2020 жылы Қазақстан Республикасы Президентінің «Болашақ» халықаралық стипендиясы бағдарламасы бойынша Ұлыбританиядағы Стратклайд университетінің (University of Strathclyde) магистратурасын тәмамдап, халықаралық бухгалтерлік есеп және қаржы саласы бойынша ғылым магистрі (MSc) дәрежесін алған.

2016 жылы Ұлттық сертификаттау комиссиясының шешімімен «Мемлекеттік аудитор» біліктілігі берілген.

Еңбек жолын 2007 жылы Республикалық бюджеттің атқарылуын бақылау жөніндегі Есеп комитетінде бастап, инспектор, сарапшы-бақылаушы, бас сарапшы – мемлекеттік бақылаушы, бас консультант – бас мемлекеттік аудитор, сектор меңгерушісі және Мемлекеттік аудит бөлімі басшысының орынбасары қызметтерін кезең-кезеңімен атқарған.

2021-2024 жылдары Қазақстан Республикасы Президенті Іс басқармасының Қаржы-экономикалық бөлімінің бас инспекторы, Бухгалтерлік есеп және есептілік бөлімі меңгерушісінің орынбасары, Ішкі аудит бөлімі меңгерушісі қызметтерін атқарған.

2024 жылғы 10 сәуірден бастап «Материалдық-техникалық қамтамасыз ету басқармасы» ММ басшысының орынбасары қызметін атқарады.

2024 жылғы шілдеде Астана қаласында өткен Шанхай ынтымақтастық ұйымының саммитін дайындауға және өткізуге белсенді қатысқаны үшін Қазақстан Республикасы Президентінің Алғысымен марапатталған.

Қазақстан Республикасы Президентінің 2026 жылғы 26 маусымдағы Жарлығымен «Қазақстан Республикасының Парламентіне 30 жыл» мерейтойлық медалімен марапатталған.

«Мемлекеттік аудит және қаржылық бақылау саласының үздігі» және «Мемлекеттік аудит және қаржылық бақылау саласының құрметті қызметкері» төсбелгілерінің иегері.

1981 жылы Қызылорда облысы Қазалы қаласында туған.

2004 жылы М. Тынышпаев атындағы Қазақ көлік және коммуникациялар академиясын аяқтаған. Мамандығы – экономика және менеджмент, инженер-экономист. 2024 жылы Қазақстан Республикасы Президентінің жанындағы Мемлекеттік басқару академиясын тәмамдап, бизнес және басқару магистрі дәрежесін алған.

Еңбек жолын 2004 жылы «Iле тағамдары» ЖШС әкімшісі болып бастаған. 2010 жылы «Компания «Энергодор» ЖШС шақырылып, онда жабдықтау бөлімінің бастығы болып қызмет атқарды.

2017 жылдан бастап ПІБ жүйесінде еңбек етіп келген – ҚР Парламенті Мәжілісі ғимаратының коменданты, ҚР Парламенті Сенаты ғимаратына шаруашылық қызмет көрсету қызметінің бастығы, «Материалдық-техникалық қамтамасыз ету басқармасының әкімшілік ғимараттары дирекциясы» РМК директорының орынбасары лауазымдарында жұмыс істеген.

Материалдық-техникалық қамтамасыз ету басқармасының басшысы орынбасары лауазымына тағайындалғанға дейін «Материалдық-техникалық қамтамасыз ету басқармасының әкімшілік ғимараттары дирекциясы» РМК директоры лауазымында қызмет атқарған.

2024 жылғы 15 мамырдан бастап «Материалдық-техникалық қамтамасыз ету басқармасы» ММ басшысының орынбасары лауазымына тағайындалды.

ҚР Президенті Іс басқарушысының 2025 жылғы 6 қарашадағы бұйрығымен «Қазақстан Республикасы Президентінің Іс басқармасына 30 жыл», ҚР Президентінің 2026 жылғы 26 маусымдағы Жарлығымен «Қазақстан Республикасының Парламентіне 30 жыл» мерейтойлық медальдарымен марапатталған.