МТҚБ кәсіпорындары – Әкімшілік ғимараттары дирекциясы мен Автошаруашылығы - қызмет көрсетілетін объектілердің су басуын болдырмау жөніндегі іс-шаралар жоспарын іске асыруды аяқтады.
ӘҒД мамандары екі рет (4 ақпан және 4 наурыз) суағар жүйелерінің, шұңқырлардың, нөсер шұңқырларының, суағарлардың жылыту сымдарының жай-күйіне тексеру жүргізді, Автошаруашылық мамандары тексеруді 7 ақпанда аяқтады. Комиссиялық тексеру нәтижелеріне сәйкес барлық жүйелер жарамды күйде, ағып кету және су басу қаупінің іздері табылған жоқ.
Сонымен қатар, жыл басынан бері ҚР Парламенті Сенаты мен Мәжілісі ғимараттарының, МТҚБ Автошаруашылығының өндірістік объектілерінің шатырын тазарту жұмыстары үш рет жүргізілді. Шатырлардан 970 текше метр қар тазаланды.
Қыс мезгілінің басынан бастап әкімшілік ғимараттардың аумағынан барлығы 8 326 текше метр қар және қызметтік тұрғын үйдің айналасынан 1 490 тонна қар шығарылды, Автошаруашылық аумағынан 1 030 текше метр қар шығарылды.
Ғимараттардың төменгі және жоғарғы қабаттарында орналасқан аумақтар мен үй-жайларды су басу іздерінің бар-жоғына және суағар жүйелерінің жай-күйін тексеруді кәсіпорындар күнделікті негізде жүргізеді. Су басу қаупі анықталған жоқ.
Тазалау күн сайын жүргізіледі.
Су басудың алдын алу бойынша барлық жұмыстар бекітілген іс-шаралар жоспарына сәйкес жүргізіледі. Келесі комиссиялық тексеру 4 сәуірге жоспарланған.
