«Таза Қазақстан» қозғалысы аясында жыл басындағы алғашқы бейресми акцияны сенбі күні Әкімшілік ғимараттар дирекциясының ұжымы өткізді.
Ер адамдар кәсіпорын қызмет көрсететін аймақтағы ғимараттардың шатырын қардан тазаласа, қоғамдық тамақтану қызметінің әйел қызметкерлері олар үшін ыстық шай мен бәліштер дайындады.
«Биылғы қыс қарлы болды. Шатырларда қар қалың жиналды. Біздің ұжым ұйымшыл, достық қарым-қатынаста, әрдайым бір-біріне көмектесуге дайын. Қар еру кезінде артық жүктеме мен штаттан тыс жағдайлардың алдын алу үшін сенбілік өткізуге шешім қабылдадық. Бұл тек пайдалы шара ғана емес, аспаздарымыздың қамқорлығының арқасында өте жанға жылы іс-шара болды,» – деді МТҚБ ӘҒД диспетчерлік қызметінің басшысы Саят Дюсекеев.
Сенбілікке 70-тен астам адам қатысты. 5 сағаттық жұмыс барысында 400 текше метрден астам қар жиналып, сыртқа шығарылды.
