Бүгін соғыс ардагері Василий Антонович Сердюковты Материалдық-техникалық қамтамасыз ету басқармасы кәсіпорындары келе жатқан Жаңа жылмен құттықтады.
МТҚБ Автошаруашылығы ұжымының атынан ардагерге шахмат табысталды, ал МТҚБ әкімшілік ғимараттарының дирекциясы 98 жастағы майдангерге жаңа жылдық азық-түлік себетімен қуантты.
Алайда, Василий Антонович осы кездесу қарсаңында ең құнды сыйлық алды. МТҚБ басшылығының бастамасымен, ПІБ Медициналық орталығы ауруханасының көмегімен соғыс ардагері толық медициналық тексеруден өту үшін ауруханаға жатқызылды, ал ол болмаған кезде ӘҒД қызметкерлері үй ардагеріне қажетті жөндеу жұмыстарын жүргізді: қабырғаларды, сантехниканы ретке келтірді, жарықтандыруды күшейтті, перделерді жуды, кілемдерді тазартты, тіпті ардагерге жағымды болу үшін кіреберісті ақтады.
Василий Антонович дән риза. Ол енді пәтерінде тынысы жеңілдеп, бәрі дұрыс жұмыс істеп, көз қуантады дейді. Сонымен қатар, ол клиникадан үйіне оралғанда, әр заттың дәл өзі қалдырған орнында жатқанын көріп таңданды.
Ардагер медициналық тексеру мен оңалту деңгейіне де қатты риза. МТҚБ-ның барлық қызметкерлеріне Василий Антонович Сердюков мықты денсаулық пен гүлденген Қазақстанның бейбіт аспаны астында ұзақ, бақытты өмір тілектерін жеткізуді сұрады!
