Материалдық-техникалық қамтамасыз ету басқармасы Басшысы Серік Бақтиярдың төрағалығымен, сондай-ақ Дирекция басшылығы құрамының қатысуымен 5-ші Дүниежүзілік көшпенділер ойындарын дайындау және өткізу жөнінде кеңес өтті.
Кеңес аясында құрметті қонақтарды, делегациялар мен спортшыларды күтіп алу, шығарып салуларын ұйымдастыру, сондай-ақ әуежайды безендіру, тамақтану және ұлттық киім мәселелері талқыланды.
5-ші Дүниежүзілік көшпенділер ойындарын өткізуге әуежай нысандарын дайындауға жауапты әрбір адамның рөлі анықталды. Сондай-ақ, ойындарды өткізуге тартылған барлық ғимараттар мен орынжайларды жөндеу, тазалау сияқты дайындық жұмыстары талқыланды.
Бұдан басқа, МТҚБ қонақтар мен спортшыларды күтіп алу, олардың қала ішіндегі ыңғайлы қозғалысына қолдау көрсететін болады.
