Сонымен қатар, МТҚБ құрылымында пайдалану және құрылыс мәселелеріне жетекшілік ететін ведомстволық бағынысты кәсіпорындармен жұмыс жөніндегі басқарма жұмыс істейді. Мереке қарсаңында МТҚБ-да және оның ведомстволық бағынысты кәсіпорындарында бірқатар іс-шаралар өткізілді, сондай-ақ әріптестік және өзара іс-қимыл жасайтын ұйымдардың өкілдеріне құрмет көрсету ұйымдастырылды.
Замануи және тиімді құрылыссыз бірде-бір дамушы мемлекетті елестету мүмкін емес. Бұл ретте өнеркәсіптік инфрақұрылымның барлық әкімшілік объектілері мен ғимараттарын салу және пайдалануға беру отандық құрылыс саласы қызметкерлерінің арқасында мүмкін болып келеді.
Құрылыс саласына мықты дәстүрлер, ұрпақтар сабақтастығы тән, соның арқасында мереке қарсаңында бүкіл ел бойынша салалық наградалар тапсырылып, көтермелеу-ынталандыру шаралары жүргізіліп, салтанатты іс-шаралар өткізіледі. Алайда, ағымдағы жылы, пандемиядан кейінгі кезең атқарылуға тиіс іс-шараларға шектеулер енгізді, осыған байланысты әріптестік ұйымдардың қызметкерлері үшін алғыс хаттар шағын ұжымдарда табысталсын деп міндеттелді: Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің "Жобаларды мемлекеттік ведомстводан тыс сараптау" РМК өкілдеріне тапсыру үшін берілді және инфрақұрылымдық даму министрінің; "Астанагенплан" ғылыми-зерттеу жобалау институтының, сондай-ақ МТҚБ кәсіпорындары көп жылдар бойы сәулет және қала құрылысы қызметі мәселелері бойынша өзара іс-қимыл жасап келе жатқан Нұр-сұлтан қаласының сәулет, қала құрылысы және жер қатынастары басқармасындағы әріптестеріне.
Мереке қарсаңында құрметті құрылысшылармен кездесулер өткізу, кәсіпорын ардагерлерін және зейнетке шыққан беделді әріптестерді құттықтау дәстүрге айналды. МТҚБ жастары үшін тәжірибе мен дәстүрді сақтаушы тәлімгер Есет Томпишев болып табылады.
Есет Өтеғұлұлы 1974 жылы Мәскеу жерге орналастыру инженерлері институтының сәулет факультетін бітірген, өз мансабын және өмірін негізгі объектілердің құрылысына арнаған, оның басшылығымен орталық мемлекеттік органдар мен ведомстволардың ғимараттарын пайдалану жүзеге асырылған. Е.Томпишев "Казгражданстройпроект" сияқты ұйымдарда, ҚР Сыртқы істер министрлігінің құрылымында, "ҚР СІМ ШБ" РМК, ҚР Парламентінің ШБ басшылық қызметтерінде жұмыс істеп, сәулет және құрылыс бағытын басқарды.
Бүгінгі күнге дейін оның қызметінің бағыттары мен оның мүдделері саласындағы мәселелердің бірі кәсіпорындардың ашық шаруашылық қызметін тиімді басқару және жүргізу болып табылады. Қырық жылдық тәжірибесі мен кәсіби көзқарасының арқасында Есет Томпишевтің кеңестері мен сараптамалық көзқарастары бүгінгі күнге дейін өзектілігін жоғалтпай келеді.
Сонымен қатар, МТҚБ ҚР Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері Комитетімен бірлесіп, қызметкерлерге салалық наградалар беруді жүзеге асырды. МТҚБ ведомстволық қарасты кәсіпорындармен жұмыс жөніндегі басқарманың бас сарапшысы Аяш Тоқсанова және МТҚБ ДАЗ электр жабдықтарын жөндеу және қызмет көрсету жөніндегі 6-разрядты электр монтері Александр Пантюхин құрылыс саласында жоғары наградаларға ие болды.
Аяш Тоқсанова Өскемен қаласындағы Д. Серікбаев атындағы жол-құрылыс институтының Өнеркәсіптік-азаматтық құрылыстың инженері мамандығын бітірген, мамандығы - инженер-экономист. А.Тоқсанова еңбек жолын Алматы темір-бетон бұйымдары зауытында шебер болып бастады. Құрылыс саласында 20 жылдан астам тәжірибесі бар және 16 жылдан астам уақытын Мемлекеттік қызметке арнады. Мереке қарсаңында оған "Құрметті құрылысшы" төсбелгісі табысталды. МТҚБ тарихында алғаш рет қызметкер осы салалық марапатқа ие болды.
Александр Пантюхин еңбек жолын 2000 жылы бастады, ҚР ПІБ жүйесінде 2008 жылдан бастап жұмыс істейді. Адал еңбегі үшін Александр Рудольфович "Тұрғын үй-коммуналдық шаруашылығының құрметті қызметкері"төсбелгісімен марапатталды.
Сонымен қатар, құрылысшылар күні қарсаңында МТҚБ ӘҒД-ның 10 қызметкері МТҚБ басшысы Әлихан Жамсатовтың атынан алғыс хаттармен марапатталды. Барлық алғыс хаттар мен марапаттар қызметкерлерге табысталды.
