(Парламентаризм Институты директоры М. Махамбетов)
Мақалада мемлекеттік аппарат жұмысының тиімділігін арттыруға бағытталған саяси реформалар қамтылған. М. Махамбетовтың пікірінше, мемлекеттік басқаруды жаңғырту бойынша барлық президенттік бастамаларды іске асырудың басты мақсаты – азаматтардың әл-ауқатын жақсарту және өмір сүру деңгейін арттыру.
Спикердің пікірінше, мемлекеттік басқару жүйесі мемлекеттік басқару институттары қызметінің тиімділігі мен нәтижелілігін және халыққа көрсетілетін мемлекеттік қызметтердің сапасын өлшеуге мүмкіндік беруі тиіс.
Сонымен бірге, мемлекеттік басқару стандарттары жинақталған озық (халықаралық және ішкі сынақтан өткен) тәжірибе негізінде әзірленуге тиіс. Тиімділікті бағалау тұрақты негізде жүргізілуі тиіс. Бұл ретте әрбір мемлекеттік қызметші жұмысының тиімділік қағидаттарын бизнесте қолданылатын рентабельділікке ұқсас (шығыстар мен кірістердің арақатынасы) айқындау қажет. «Қазақстанға азаматтарды және олардың бірлестіктерін бағдарламалық құжаттарды әзірлеу, саяси тұжырымдамалар мен құқықтық актілерді жүзеге асыру және талдау процесіне кеңінен тарту және бұл үшін қажетті тетіктер мен ақпарат арналарын дамыту қажет. Парламентаризм институты өз кезегінде қолданыстағы заңнамаға талдау жүргізу, мемлекеттік басқару стандарттарын дамыту мен жетілдіру саласындағы халықаралық тәжірибені зерделеу және қажет болған жағдайда оны заңнамаға енгізу үшін барлық ресурстарға ие», - деп атап өтті мақалада Мансұрхан Махамбетов.
Жарияланымның толық мәтінімен сілтеме арқылы таныса аласыздар
