Заң басқармасының басшысы Аида Балқашеваның бүгін қос мерекесі: Мемлекеттік қызметші күні орай МТҚБ басшысы мінсіз жұмысы үшін оған «Үздік мемлекеттік қызметші» төсбелгісін салтанатты түрде табыс етті.
Марапат иегері бұл қуанышты отбасы аясында, күйеуі мен балаларымен бірге атап өтпек. Аиданың 1 ұлы және 4 қызы бар, ол көп балалы ана. Ол Материалдық-техникалық қамтамасыз ету басқармасының қымбат, икемді және өте жауапты қызметкері болып табылады. Басшылық оның кәсіби білімін, стресске төзімділігін және өз көзқарасын қорғай білуін ерекше атап өтеді.
МТҚБ-ғы жұмысы Аида Сембайқызының алғашқы жұмысы. Ол мұнда 2004 жылы ҚазМУ-дың заң факультетін үздік аяқтап, кеңсе мен бірінші басшының қабылдау жұмысын қоса атқарып келді.
- Алғашында мен ештеңе істей алмайтынымды түсіндім, - деп Аида Балқашева күліп еске алды. - Тіпті факс жіберуді үйренуіме тура келді. Есімде, бірінші рет өте қиын болды, бәріне үлгеру үшін жұмыста кешкі 22:00-ге дейін қалуға тура келді. Мен өз жұмысымды жақсы көремін, қоғамға пайда әкелгенді ұнатамын: бір жерде сөзбен, бір жерде іспен. Мұнда мен үлкен мектептен өттім - жоспарлауды, басымдықтарды белгілеуді, қысқа мерзімде үлкен жұмыс көлемін орындауды және өткір бұрыштарды дұрыс айналып өтуді үйрендім. Айтпақшы, мен өз тағдырым – жұбайымды осы жерде кездестірдім.
МТҚБ заң басқармасына негізгі мамандығы бойынша жұмыс істеуге біздің кейіпкеріміз 2013 жылы келді, өсудің барлық мансаптық кезеңдерін осы жерден өтті және ағымдағы жылдың басында басқарма басшысы болып тағайындалды.
Бала күтімі бойынша демалыста екінші жоғары экономикалық білім алды.
- Маған оқу, жаңа білім алу ұнайды. Мен көркем әдебиетті көп оқимын. Сондай-ақ, өзіңізбен және айналаңыздағылармен адал болу маңызды…
Previous
Next
